ISO 17025 standartı nümunələrin götürülməsi, standart, q/standart və laboratoriya tərəfindən hazırlanmış metodikalara əsasən aparılan sınaq və kalibrovkalar daxil olmaqla bütün sınaq/və ya kalibrovkaların keçirilməsində laboratoriyanın dəqiqliyinə dair ümumi tələbləri müəyyən edir.

Sınaq laboratoriyasının fəaliyyətində ISO 17025 standartının tətbiqi aşağıda göstərilən məsələlərə aid edilir:

• Keyfiyyət menecment sisteminin işlənib hazırlanması və tətbiqi;
• Bilavasitə texniki bacarıqların qiymətləndirilməsi, daha doğrusu işçi heyətin qiymətləndirilməsi, tələb olunan reaktivlər, avadanlıqlar və s;
• Metroloji bacarıqların qiymətləndirilməsi (sınaq metodlarının seçilməsi və həyata keçirilməsi).

ISO 17025 TƏTBİQİ NƏTİCƏSİNDƏ LABORATORIYANIN ƏLDƏ ETDİYİ ÜSTÜNLÜKLƏR:

• Texniki dəqiqliyin yaranması;
• Fəaliyyətin effektivliyinin artması;
• Marketinq üstünlüyü;
• Beynəlxalq sertifikatlaşdırma, yoxlama, nəzarət sınaqlarının keçirilməsində iştirak imkanı;
• Sınaq protokollarının beynəlxalq dərəcəsə qəbul edilməsi;
• İstehlakçıda laboratoriyada görülən işlərin keyfiyyətinə dair inamın formalaşması.